Fruktkjøtsamanfall i tidlege eple

Det er ei utfordring å redusera svinnet som skuldast fruktkjøtsamanfall i norsk produksjon og omsetning av tidlege eple. Dette er ei fysiologisk skade, som truleg vert utløyst av dyrkingstekniske faktorar. Røynsler frå tidlegare år kan tyda på at skadene er knytta til t.d. gjødslingspraksis, jordtypar og vasstilgang. Andre aktuelle faktorar kan vera pollinering, tynning, avlingsnivå og haustetid. Ein vil registrera dyrkingspraksis i tre og frukter i ei rekkje hagar kjende for å ha problem, og hagar der ei n har hatt mindre problem med fruktkjøtsamanfall. Ein vil leggja ut forsøksfelt der ein prøver ulike gjødslingsopplegg (nitrogen, kalsium og bor), kontroll av undervegetasjon, avlingsnivå og vasstilgang. Fruktene vil verta analyserte for ei rekkje kvalite tsfaktorar knytta til fruktkjøtsamanfall. Risikoen for fruktkjøtsamanfall vil og verta undersøkt i høve til pollinering og tal frø i fruktene og haustetid. Næringstilstanden vil verta analysert i kart/eple gjennom sesongen. Dersom ein tidleg i sesongen ka n kartleggja risikoen for fruktkjøtsamanfall, kan ein eventuelt justera nivåa av ulike næringsemne med bladgjødsling. Justerte dyrkingsopplegg basert på resultata frå prosjektet vil verta utarbeidd, og formidla i dyrkingsmiljøa.