Høgskule og region - høgskulen som sentral regional utviklingsaktør

Prosjektet tek utgangspunkt i HSF sin strategiske plan, i erfaringar vi har gjort gjennom deltaking i nHS 2003-04 og i ei vidareføring av høgskulens nettverkbaserte arbeid med entreprenørskap og innovasjon. Styrking av rolla som regional utviklingsaktør s tår sentralt. Særleg er det lagt vekt på vidareutvikling av nettverksbaserte næringsaktivitetar og sterkare institusjonell forankring av prosjektet. Dette er knytt til dei tre hovudstrategiane: 1) Institusjonsstrategien legg vekt på å styrkje den faglege og institusjonelle forankringa av prosjektet ved å knyte det sterkare til den mest næringsretta avdelinga ved HSF: Avdeling for økonomi og språk. Denne avdelinga legg aukande vekt på entreprenørskap i grunn- og vidareutdanningar, og driv forskningsarbeid om næringsutvikling. Styringsgruppa vert endra. Vi vil framleis ha prosjektleiar på heiltid, men også knyte ein prosjektmedarbeidar til prosjektet med særleg ansvar for arbeidet med entreprenørskap. Det vert her også lagt opp til fleire mobilitetsfremjand e tiltak. 2) Bedriftsstrategien fører vidare ordninga med SMB-K prosjekt. Saman med Høgskulen i Bergen vil vi prøve å selge konseptet inn i INTERREG. III C-prosjektet ENABLE, der vi er deltakar. Elles vil SMB-K prosjekta basere seg på skattefunnfinansieri ng - med rettleiarar også frå Avdeling for lærarutdanning og idrett. Erfaringane frå SMB-K skalsystematiserast, og det vil verte nytta ein meir medviten og strategisk utvalsprosedyre for bedrifter i ordninga. Det vert vidare lagt opp til konkret prosjekts amarbeid med enkeltbedrifter. 3) Nettverkstrategien er særleg knytt til vidareutvikling av det omfattande nettverksarbeidet vi alt er engasjerte i regionalt. Saman med ei rekkje andre aktørar har HSF kome med eit innspel om dette til Fylkesplanen 2005-08. Her står arbeid med entreprenørskap sentralt. For HSF sin del er dette knytt til vidareutvikling av den såkalla REAL-pedagogikken som omstillingsverktøy. Fleire andre regionale aktørar legg også dette til grunn.