Trademark Telemark. Kulturøkonomi og nye potensial for natur- og kulturbasert næringsutvikling i Telemark. Videref. i DL 165691/V10.

Sentrale politiske og økonomiske aktørar både i Noreg, EU og OECD oppmodar i dag sårbare lokalsamfunn og regionar om å reindyrka biletet av staden, samt utvikla strategiar for transformering av lokal kunnskap til ressursar for økonomisk og kulturell utvik ling. Omgrepet kulturøkonomi har vorte lansert i litteraturen som ein fellesnemnar på denne typen nærings- og stadsutviklingsstrategiar. Målsetjingane er å utvikla nye salsprodukt for intern og ekstern marknadsføring, og å kunna produsera nye feste og utg angspunkt for lokal kultur og identitet. Ein viktig del av prosessen er definering av heilskaplege utviklingsvegar og satsingar tufta på stadleg særpreg. Kunnskapen/ressursane (råvarer for strategien) kan finnast innanfor t.d. mat, språk, kunst og handver k, musikk, visuell presentasjon, historiske stader og hendingar, mytologi og folklore, litteratur, samt landskap, natur og fauna. Som ein freistnad på ei fokusering og fremjing av det lokale, er fokus på heilskaplege opplevingar eit sentralt punkt i strat egien. Det strategiske programmet "Trademark Telemark" skal utvikla kompetanse på dynamikk og drivkrefter i kulturøkonomien, og synleggjera utfordringar og potensial for det lokale næringsliv. Programmet vil fokusera spesielt på bransjar som nyttar natur /kulturgrunnlaget i Telemark som grunnlag for næringsutvikling. Reiseliv og verdiskapingsprogrammet for mat vil vera viktige samarbeidspartnerar i denne viktige strategiske satsinga.