Deltaking i Horisont Europa – strategi og handling for Høgskulen i Volda

Høgskulen i Volda har ambisjonar om å delta i Horizon Europe. For å lykkast med dette vil vi utarbeide ein strategi og handlingsplan for deltakinga. Vidare vil vi bygge kompetanse i fagmiljøa når det gjeld søknadsskriving og i forskingsadministrasjonen når det gjeld kvalitetssikring av søknader. Vi ønsker også å posisjonere Høgskulen i Volda internasjonalt ettersom vi har fleire fagmiljø og forskingsgrupper som er aktuelle for utlysingar i Horizon Europe. Det overordna målet med prosjektet er å utarbeide søknader til Horizon Europe – hovudsakleg innanfor "Kultur, kreativitet og inkluderande samfunn" (søyle 2, klynge 2). Målet med strategi og handlingsplan for deltaking i Horisont Europa er å involvere leiinga, gi gode rammer for søkjarar, og motivere og inspirere alle nivå i organisasjonen. Milepålar for dette tiltaket er gjennomføring av to strategiseminar, og resultatet vil vere ein strategi med handlingsplan for deltaking i Horizon Europe dei neste åra. Målet med kompetansebygginga vil vere å auke kunnskapen om Horizon Europe i heile organisasjonen. Milepålar for dette tiltaket vil vere gjennomføring av kurs og seminar. Målet med posisjonering av Høgskulen i Volda internasjonalt vil vere å verte kjent blant fleire mogleg samarbeidspartnarar. Milepålar vil vere utarbeiding og formidling av informasjon gjennom medieoppslag, sosiale media, dokumentarisk formidling og systematisk bruk av databasar. Resultatet vil vere at forskarane og forskingsmiljøa våre blir meir synlege internasjonalt. PES-støtta vil vere instrumentell for å realisere deltakinga i Horisont Europa for Høgskulen i Volda.

Høgskulen i Volda har ikkje tidlegare lykkast med å delta i EUs rammeprogram. Vi ønsker difor å utarbeide ein strategi og handlingsplan for deltaking i dei kommande åra. Vidare vil vi styrke fagmiljøa i søknadsskrivinga og kompetanse for kvalitetssikring av søknader. PES-støtte vil vere instrumentell for å realisere deltaking i Horisont Europa for Høgskulen i Volda.