Siderspråk og produktdifferensiering

Eit eige siderspråk tilpassa norsk sider har vore etterspurt frå næringa. Målet med prosjektet er å utvikla eit verktøy (aromahjul) for å setje ord på kva sideren smakar. Verktøyet skal nyttast både i kommunikasjon mellom produsentar og kundar, mellom vinkelnarar og restaurantgjestar, og dessutan i situasjonar der sider blir seld. Verktøyet skal og nyttast til å utvikle menyar med sider, under produksjon av sider og til å utvikla nye produkt. For å nå målet skal det nyttast produkt på marknaden og småskalaforsøk, der ein har kontroll på faktorar som dyrkingsstad, eplesort og gjærtype under fermenteringsprosessen. Kjemiske og sensoriske vurderingar skal danne grunnlag for å utvikla aromahjulet. Vinteren 2023/2024 vart det gjennomført to ulike fermenteringsforsøk av kombinasjonar av eple sortane Aroma, Discovery, Gravenstein, Summerred, og Rubinstep og åtte ulike gjærtypar. Totalt vart 40 ulike kombinasjonar vurdert kjemisk og sensorisk. Med bakgrunn i desse resultata vart det valt ut to gjærtypar per eplesort, som vart fermentert i litt større skala. Det vart også gjennomført kontrollert forsøk med Gravenstein dyrka i fem ulike regionar i Noreg (Telemark, Rogaland, Hardanger, Sogn og Nordfjord). Småskalaforsøket med kombinasjonar av eplesortar og gjær og terroir-forsøket skal gjennomførast for eple produsert i 2024 også. Dette vil gje oss informasjon om variasjonar mellom år, og dermed meir kunnskap om kva faktorar som påverkar ulike sensoriske eigenskapar i norsk sider. Denne kunnskapen skal hjelpe produsentar å få ein meir målretta produksjon og kan bidra til å utvikla sidrar med nye smakar. Interessante funn og smakar frå småskalaforsøka skal vera grunnlag for oppskalering av nye produkt hjå produsent.

Eit eige siderspråk tilpassa norsk sider har vore etterspurt frå næringa. I prosjektet skal det utviklast eit verktøy (aromahjul) for å setje ord på kva sideren smakar. Verktøyet skal nyttast både i i kommunikasjon mellom produsent og kunde, mellom vinkelnar og restaurantgjest, mellom salskanalar for sider og kundar. Verktøyet skal og nyttast til å utvikle menyar med sider, under produksjon av sider og til å utvikla nye produkt. Ein skal nytte eksisterande produkt, og resultat frå småskalaforsøk, der ein har kontroll på eplesort, gjær og andre høver under fermenteringsprosessen, for å utvikla aromahjulet. Småskalaforsøket skal gjennomførast for å få meir kontroll over kva faktorar som påverkar ulike sensorisk eigenskapar i norsk sider. Denne kunnskapen skal hjelpe produsentar å få ein meir målretta produksjon og kan bidra til å utvikla sidrar med nye smakar. Interessante funn og smakar frå småskalaforsøka skal vera grunnlag for oppskalering av nye produkt hjå produsent. Kunnskapen og siderspråket skal implementerast i sidernæringa, restaurantar og hjå forbrukarar. Hanen, Fagskulen i Vestland og Viken og USN, samt andre partnarar skal bidra med opplæring og formidling. Ein vil nytta restaurantar i prosjektet som "pilotar" for sider på menyen.