Modernisering av sosial- og barneverntenesta i Nordfjordkommunane

Dei sju Nordfjordkommunane Bremanger, Eid, Gloppen, Hornindal, Selje, Stryn og Vågsøy har gjennom fleire år hatt eit fruktbart og godt samarbeid innanfor IKT. Kommunane har vedteke felles IKT-strategi og skrive bindande samarbeidsavtalar for utvikling av nett og tenester. I samband med HØYKOM-satsinga har Nordfjordkommunane gjennomført fleire fellesprosjekt, og mellom anna teke i bruk eit fiberbasert interkommunalt nett mellom kommunane. Dei klart positive erfaringane og resultata frå dei gjennomførte HØ YKOM -prosjekta har lagt grunnlaget for ei felles satsing for utvikling og modernisering av interkommunalt samarbeid og tenester. I 2005 har kommunane prioritert sosial- og barneverntenesta. Prosjektet vil ta i bruk felles fagsystem for sosial- og barnev erntensta samt interaktiv video i møter, sakshandsaming og saksrettleiing på tvers av kommunegrensene. I planane ligg også etablering av felles server for fagsystema. Ved gjennomføring av prosjektet vil vi prøve ut konsultasjonsmøte med barne-, ungdoms- og familieetaten (Bufetat) og arbeidsgruppemøte med til dømes Tiltaksgruppen AS i Arendal over nettet. Eit slikt tilbod gjer at slike møter kan takast oftare, og ein vil kunne følgje opp kommunane sine klientar andre stadar i landet betre enn i dag. Fo r sosial- og barneverntenesta vil prosjektet vere ei kjærkomen nyvinning i det interkommunale samarbeidet. Tenesta har i fleire år utveksla erfaringar mellom kommunane, men dei har ikkje hatt gode og sikre nok system for utveksling av informasjon over net tet. Det har heller ikkje vore muleg å føreta sakshandsaming på tvers av kommunegrensene, til dømes ved ugildskap hos sakshandsamar. Økonomisk er det eit klart innsparingspotensial i prosjektet, både med felles fagsystem, sparte reisekostnader og meir e ffektiv bruk av tida. Prosjektet vil også gje betre kvalitet på tenester for brukarane (klientane), spesielt dei som er plassert andre stader i landet.