Føremålet med prosjektet er for det første å analysera og kritisera den tradisjonelle norske framstillinga av eigedomsretten som eit "tomt koplingsord". For det andre er føremålet å analysera og kritisera den tradisjonelle norske negative definisjonen av eigedomsretten.
Som eit alternativ skal prosjektet søkja å forklara eigedomsretten som eit relasjonsomgrep mellom ein person og eit grunnstykke. Med tanken om eit relasjonsomgrep som eit utgangspunkt, er tanken å utvikla eit rammeverk for å forstå eigedo msretten til fast eigedom. Det viktigaste for eit slikt rammeverk er for det første å lausriva seg frå skiljet mellom offentleg rett og privatrett. For det andre er det viktig å byggja opp eigedomsretten med vekt på relativiteten i den. Ein bør klara å sj å grunnstykket sjølv, med sine skiftande karakterisitika, som dreiepunkt for ei vurdering.
Til sist er føremålet med prosjektet, i forlenginga av det føregåande, å omtala og inkludera miljøomsyn i framstillinga av eigedomsretten, særleg gjennom forslag til operasjonalisering av Grunnlova § 110 b.