Høgskolen i Agder har saman med Sørlandets Teknologisenter AS (STS) delteke i Forny-programmet sidan hausten 2000. Høgskolen har inngått samarbeidsavtale med STS, og det er etablert eit samarbeidsutval der fakulteta og den sentrale leiinga ved høgskolen m øter leiinga og saksbehandlarane ved STS. Høgskolen har i 2004 starta opp ei førstelinjeteneste i eigen organisasjon for å styrkje den oppsøkjande aktiviteten i fagmiljøa. I desember 2004 vil høgskolestyret handsame sak om iverksetting av ny lov om oppfin ningar og handtering av eigarskap.
I 2005 vil det bli lagt vekt på å vidareutvikle førstelinjetenesta som blei etablert i 2004. I tillegg til lett tilgjengeleg rådgiving vil det bli lagt vekt på oppsøkjande arbeid kombinert med speidarar ute i miljøa. S om del av dette arbeidet vil det bli arrangert kurs i immaterielle rettar. Vidare vil det etter søknad bli gitt støtte til å arbeide vidare med masteroppgåver og ph.d.-oppgåver som har potensiale for kommersialisering. Det er også aktuelt å vidareføre ord ninga med premiering av idear. Alt dette vil skje i nært samarbeid med STS.
Det andre hovudfokuset i 2005 er oppfølging av vedtaket om å iverksetje den nye lova om oppfinningar. Her skal kvalitetssikringssystem for kommersialiseringsprosessen utarbeidast , nødvendige organisatoriske tiltak for å handtere eigarskap skal gjennomførast og avtaleverket med STS skal oppdaterast. Det vil også bli utvikla eit brukarvenleg system for informasjon, registrering og oppfølging av kommersialiserbare idear på høgskolen sitt Intranett.