Stimuleringstiltak for åpen publisering (STIM-OA) Støtte til åpen publisering for regnskapsåret 2016

Publiseringsfondet ved Høgskulen i Sogn og Fjordane har blitt aktivt nytta særleg innanfor fagmiljø som helse, idrett og pedagogikk. Vi ser at fondet her har bidrege til å gje tilsette høve til å velje opne kanalar. På denne måten har fondet vore med på å gjere forskingspublikasjonar frå høgskulen meir tilgjengelege. Høgskulen i Sogn og Fjordane sitt publiseringsfond gir ikkje støtte til publisering i hybridtidsskrift. Forfattaren kan få dekt inntil kr. 25.000 og må vere tilsett ved høgskulen og nytte høgskulen som forfattaradresse. Ved fleirforfattarskap vert publiseringskostnaden dekt når korresponderande forfattar eller førsteforfattar nyttar Høgskulen i Sogn og Fjordane som forfattaradresse. Publiseringskanalen må som hovudregel vere godkjent på nivå 1 eller 2 i NSD sitt register over vitskaplege publiseringskanalar og vere registrert i DOAJ (https://www.hisf.no//publiseringsfond-open-access ).