Trademark Telemark: Natur- og kulturbasert næringsutvikling. Videreføring av prosjekt 150239/V10.

Telemarksforsking-Bø vil med dette søkja om å forlenga vårt Strategiske Instituttprogram Trademark Telemark med to nye år. Arbeidet starta i 2002, og fase I skal avsluttast i 2004. Programmet har fokus på såkalla kulturøkonomisk bygdeutvikling; omgjering av lokal natur/kultur/kunnskap til ressursar for stads- og næringsutvikling. Målsetjinga i denne strategien er reindyrking og aktiv næringsbruk av det spesifikt stadlege, det som gjer staden annleis, og som difor representerer konkurransefortrinn i ei ve rd der fleire og fleire menneske søkjer etter det spesielle, særeigne og eksotiske. Den lokale kulturen/kunnskapen kan definerast som staden sin intellektuelle kapital. Målsetjinga med strategien er såleis å auka medvitet om og bruken av slike ressursar, og difor også på sikt auka staden sin konkurranse- og attraksjonskraft, både i høve økonomisk, kulturell og demografisk utvikling. Programmet Trademark Telemark reier grunnen for og deltar aktivt i slike nyutviklingsprosessar. Arbeidet med dette programm et har vore svært vellukka sett i høve til nærings- og politikkutvikling på feltet kulturøkonomi i Telemark. Det er produsert ei rekkje publikasjonar med relevans for entreprenørar og lokalutviklarar. Programmet har også vore direkte involvert i fleire ny vinnande næringsutviklingstiltak. Likevel vil det innanfor både offentleg forvalting og blant ei rekkje private næringsaktørar vera stor trong for fagleg støtte framover for å lukkast med å utvikla ein regional kulturøkonomi i Telemark. Det er og avdekka fleire store forskingsutfordringar i utviklinga av den kulturøkonomiske modellen. Fase II er såleis delt inn i fem delprosjekt: Delprosjekt A: Kulturøkonomisk bedrifts og næringsutvikling Delprosjekt B: Utfordringar for distriktspolitikk og verkemiddelap parat Delprosjekt C: Internasjonal erfaringsutveksling Delprosjekt D: Mobilisering og entreprenørskap i kulturøkonomien Delprosjekt E: Syntese av Trademark Telemark. ---------------------------------------------------------------------------------------- --------------------------------------------------------- Nytt prosjektsammendrag i henhold til søknad 177673/V10: Trademark Telemark har gjennom 4,5 år leidd fram mot eit nytt forskingsfelt; den kulturøkonomiske bygdeutviklingsstrategien. Bruk av lokal kultur og kunnskap i stad- og næringsutvikling har gjennom denne perioden utvikla seg til eit stort satsingsfelt i kommunal og regional utvikling i Telemark spesielt og bygde-Noreg generelt, og vår kunnskap på feltet, ein kunnskap me i all hovudsak er al leine om i Skandinavia, har vorte stendig meir etterspurd. Tilbakemeldingar fortel generelt om eit stort behov for meir kunnskap både teoretisk og i høve praktiske bygdeutviklingsstrategiar. Grunna prioritering av aktivt nyskapingsarbeid og involvering i mange konkrete næringsutviklingsprosjekt i Telemark, har formidlinga av våre forskingsresultat til utviklings- og brukargrupper utanfor Telemark til ein viss grad måtta vika plassen i fase I og II i Trademark Telemark. Lærebok (sjå ref i prosjektskildrin g) og fleire artiklar/rapportar er produserte, men det synest vera ein sterkt veksande marknad for ei samla og strategisk vinkla framstilling av forskingsresultata. På feltet natur- og kulturbasert nyskaping ser me veksande aktivitet på utviklingssida, m ed påfølgjande stor trong for å kvalitetssikra denne aktiviteten fagleg. Me får daglege tilvendingar med førespurnader om formidlingsoppdrag og/eller publikasjonar. Dei røynsler me har gjort oss som pådrivarar for og deltakarar i lokale og regionale nyska pingsprosessar, vil vera svært viktige og nyttige å formidla til eit breiare publikum. Kunnskapsformidling vil såleis stå i fokus for arbeidet i 2007, eit arbeid som vil konsentrerast om to hovudtema: 1. Ferdigstilling av doktoravhandling om nyskaping og kulturøkonomi. 2. Internasjonal bokpublikasjon om kulturøkonomi og lokale/regionale kjernesymbol.