Omstilling og internasjonalisering - Forskingsbasert kompetanseformidling - oppstartfase Sogn og Fjordane- Videreføres i prosjekt168589/i50.

Sogn og Fjordane har tradisjonelt vore trygt plassert i toppen av alle positive statistikkar. Fylket har hatt liten arbeidsløyse, høg eksport frå næringslivet og lite sosiale og samfunnsmessige problem. Dette er no i endring, og Sogn og Fjordane viser seg som eit sårbart fylke. Næringslivet er i stor grad råvarebasert og dei tradisjonelle næringane går attende. Store verksemder innafor verfts- og aluminiumsindustrien gjer dramatiske kutt i arbeidsstokken. I Florø og Førde er heile skipsbyggingsmiljøet under avvikling, og i Årdal og Høyanger har Hydro Aluminium vedteke å ikkje modernisere produksjonsapparatet. Konsekvensen er at deler av produksjonen blir avvikla i løpet av dei par nærmaste åra. Desse omstillingane råkar også ei rekkje lokale underleve randørar og annan lokal og regional tenesteyting. I tillegg er det betydelege omstillingar og rasjonalisering innanfor offentleg sektor. Endingane er strukturelle og varige og omfattar fleire tusen arbeidsplass og heile lokalsamfunn.