Dette er eit strategisk utviklingsprosjekt for eit fou-miljø på helse- og sosialleiing ved Høgskulen i Sogn og Fjordane (HSF). HSF har i ei årrekkje drive ei vidareutdanning i helse- og sosialadministrasjon, og frå 2004 har høgskulen etablert eit mastergr adsstudium i organisasjon og leiing med helse- og sosialadministrasjon som ei valretning. Dette er HSF sitt einaste sjølvstendige masterstudium, og fagleg kompetanseheving ved studiet står sentralt i HSF sine strategiar.
Bakgrunnen for prosjektet er store nasjonale styringsutfordringar innan helse- og sosialsektoren. Desse utfordringane gjer at det lokale leiarnivået i sektoren blir stilt overfor store krav og sprikande mål med omsyn til både omstilling og utvikling, samordning og prioritering, kostnadsef fektivitet og kvalitet. Eit sentralt mål i prosjektet er å setje søkelyset på vilkåra for og mulighetane for lokal leiing i helse- og sosialsektoren. Eit forskingsspørsmål er korleis aukande systemkompleksitet og nye styringsformer påverkar vilkåra og han dlingsrommet for leiarar i sektoren. Eit anna spørsmål er kva slags kompetanse, organisering og leiing som trengst dersom ein skal skape primærorganisasjonar som er utviklingsorienterte og læringsdyktige, og samstundes i stand til å handle innanfor tronge kostnadsrammer. Empirisk vil vi studere leiing og organisering på foretaks- og institusjonsnivå i helsesektoren og leiing av velferdstenestene på kommunenivået gjennom fire ulike delprosjekt. Eit delprosjekt handlar om lærande leiarskap, eit om organiser ing av kliniske mikrosystem, eit om leiing og mikrosystem i kommunale omsorgstenester, og det siste om leiing i ei reformert velferdsforvaltning. Eit femte delprosjekt tek seg av prosjektleiing og kompetanseoverføring til HSF sin organisasjon.