Konferansen har vorte arrangert i mange år, først som ein del av FME-senteret NORCOWE, seinare som ein del av NORCOWE-nettverket.
Oppslutninga har vore aukande i takt med den auka interessen for havvind og vi ventar rekordpåmelding i år.
Konferansen er ein viktig møteplass for næringsliv, akademia og offentleg sektor for å byggja nettverk.
Konferansen rettar seg mot fagfolk, og har som mål å gje ei oversikt over viktige trendar og problemstillingar innan havvindbransjen. Det er lagt stor vekt på å få næringslivsaktørar inn som talarar, både etablerte havvindaktørar som Equinor og nye aktørar.
Kombinasjonen av næringslivspresentasjonar og forskarpresentasjonar med klar næringslivsrelevans bidreg til kunnskapsoppbygging både i akademia og næringsliv.
Konferansen spelar ei viktig rolle for å mobilisera til auka havvindsatsing i regionen, og er ein del av arbeidet med omstilling og grøn næringsutvikling.
Pr 4/4 står Equinor, Kværner, TechnipFMC, NGI, NORCE og UiB på talarlista.
Konferansespråket er engelsk.